ವರಮಹಾಲಕ್ಷ್ಮೀ ಹಬ್ಬದ ಶುಭಾಶಯಗಳು

ವರಮಹಾಲಕ್ಷ್ಮೀ ಹಬ್ಬದ ಹಾರ್ದಿಕ ಶುಭಾಶಯಗಳು

ಭಕ್ತರಿಗೆ ವರನೀಡುವ ಕರುಣಾಮಯೀ ತಾಯಿಯ ಪಾದಕ್ಕೆ ನನ್ನೀ ಭಕ್ತಿ ಹಾಡು ಸಮರ್ಪಿಸಿರುವೆ

ಅಷ್ಟಲಕ್ಷ್ಮೀ ಅವತಾರಗಳಲಿ ಒಂದು

ವರಮಹಾಲಕ್ಷ್ಮಿ ದೇವಿಯೇ ನಿನ್ನದು

ಶ್ರಾವಣಮಾಸ ಏಕಾದಶಿ ದಿನವಿಂದು

ನಿನ್ನ ಪೂಜಿಪ ಸೌಭಾಗ್ಯ ನಮಗಿಂದು.      |ಪ|

ಮನೆಗೆ ನಿನ್ನ ಆಗಮನದ ಕಾತರವಿದೆ

ನೀ ಬರುವೆಯೆಂದು ಹಬ್ಬವೇ ಕಾದಿದೆ

ಈ ಮನೆಗೆ ಶುಭ ಸಮೃದ್ಧಿಯ ವರವು

ಅಮ್ಮ ನಿನ್ನ ಕೃಪೆಯಲಿ ಎಲ್ಲ ಸುಖವು.      |1|

ವರ ಕೊಡುವ ತಾಯಿ ಏನು ಕೇಳಲಿ

ಮನೆಯ ಹಿತ ಸದಾ ನಿನ್ನದೇ ಕೈಯಲಿ

ಕರುಣೆಯ ಸಾಕಾರದಿ ನಿನ್ನ ಅವತಾರ

ಸರ್ವಕಾಲಕೆ ನಿನ್ನಿಂದ ಭಕ್ತರ ಉದ್ಧಾರ.       |2|

ಏಕಾದಶಿ ವೃತವನು ಸಂತಸದಿ ಮಾಡಿ

ಶೃಂಗರಿಸಿ ನಿನ್ನ ಹೂವಿನ ಅಲಂಕಾರದಿ

ನೈವೇದ್ಯ ಹಣ್ಣು ಹಂಪಲವ ಅರ್ಪಿಸುತ

ಪೂಜಿಸುವೆವು ನಿನ್ನ ಪ್ರಸನ್ನಗೊಳಿಸುತ.        |3|

ಪ್ರತಿಮನೆಯ ಭಾಗ್ಯ ಅರಳಿಸುವ ನಿನ್ನ

ನೋಡು ಭಕ್ತೆ ಕಾಯ್ದಿರುವಳು ಈ ದಿನ

ಅರಳಿಸು ಸೌಭಾಗ್ಯ ಸಿರಿ ವರ ನೀಡುತ

ಈ ಮನೆಗೆ ರಕ್ಷೆಯಾಗಿ ಸದಾ ಕಾಯುತ.       |4|

ವರಮಹಾಲಕ್ಷ್ಮೀ ಹಬ್ಬದ ಹಾರ್ದಿಕ ಶುಭಾಶಯಗಳು

ಅಚ್ಯುತ ಕುಲಕರ್ಣಿ

WHatsapp9424890064